Miguel Alvariño Ouro en Antalya

WORLD CUP - ANTALYA 2022

Na primeira proba da copa do mundo da tempada 2022 celebrada en Antalya (Turquía) entre os días 18 ó 24 de Abril.

O arqueiro  de As Pontes do  clube Silex comenzou moi ben a participación nesta proba xa que o mércores 20 tiraba o clasificatorio no que acadaría a 2º posición con 673 puntos. Con esta clasificación obtiña pase directo a 1/32 de final nas eliminatorias.

A súa primeira eliminatoria en 1/32  sería contra o arqueiro Sueco Kaj Sjöberg o que gañaba con un 7-3. En 1/16 enfrontabase a Antti Vikstrom de Finlandia o que gañou por 6-2.

En Oitavos de final o seu adversario foi Adrián Muñoz de Porto Rico o que superou por un 6-4.En cuartos de final o contricante sería o arqueiro Belga Jarno De Smedt o que gañaba por 7-3.

Esto facía que se clasificara para as semifinais onde tería que enfrontarse a Brady Ellison arqueiro cunha gran traxectoria e numerosos titulos a nivel internacional. 

A semifinal foi moi desputada e tivo que decidirse nunha frecha de desempate na que Miguel Alvariño conseguía superar ó seu rival xa que a súa frecha cravouna no 10 e Brady acadou un 9. 

Isto daba lugar a que disputase a final polo ouro contra o arqueiro Australiano Ryan Tyack ó cal non dou opción xa que gañou por un contundente 6-0 que colocaba a Miguel no máis alto do podio deste campeonato.

Bo inicio de tempada internacional para o noso compañeiro Miguel Alvariño que acudirá a 2ª proba da World Cup que celebra en Korea do Sur na cidade de Gwangju  entre os días 16 ó 22 de Maio de 2022.

Este ouro individual fai que este claficado directo para a final da Copa do Mundo que se celebrará en México, onde no 2015 Miguel se proclamou Campeón desta proba.

Como mellor clasificado español formaría o equipo recurvo mixto xunto con Elia Canales. 

Acadaron as semifinais perdendo o seu enfrontamento contra o equipo mixto da India por 5-3. Co cal os levaba a tirar a final pola medalla de bronce contra o equipo de Estados Unidos co que tamén perdían por un 5-3 o que os deixaba finalmente 4º nesta proba da World Cup.

Formando parte do equipo recurvo masculino xunto con Pablo Acha e Ken Sánchez. En Oitavos de final caian fronte o equipo Ucraino por un 6-0.

Nesta proba da World Cup formando parte do equipo español desprazado a Turquía tamén estaba outro arqueiro Galego Daniel Castro Barcala  que na clasificación obtiña o posto 52º o que facía que tivese que tirar a primeira eliminatoria de 1/64 contra o Croata Sulik Leo co que perdía por 6-4.

Daniel Castro tamén de As Pontes e do clube Silex participará na 2ª proba da World Cup desta tempada que se desputará en Korea do Sur.

Ir arriba