Ó longo das últimas semanas disputáronse diferentes campionatos de España nos que algúns arqueiros galegos lograron chegar ós 'podiums' e obter grandes resultados.
Cto. de España 3D en Sala
Melania Sanjorge García, do Club Meigarco, acadaba o ouro na división de longbow.
Campionato de España de Arco Adaptado en Sala
Tivemos 4 representantes do total de 9 participantes. Adrián Orjales do Club A Frouxeira, competiu só na súa categoría.
Guillermo Javier Rodríguez González, do Club Arco Ferrol, conseguiu o ouro en Open Composto, e Pedro Paz Díaz, do club Arco Ferrol, e Manuel Brage Vila, tamén do club Arco Ferrol, conseguiron prata e bronce respectivamente na categoría de Open recurvo.
Campionato de España absoluto en Sala
Conseguimos a medalla de ouro por equipos en Arco Recurvo e a medalla de bronce por equipos en arco Composto.
O equipo de arco recurvo estivo formado por Miguel Alvariño García, do Club Sílex, Daniel Castro Barcala, do Club Sílex e Vicente Enrique Veira Moreno, co Club Arc-Teixo.
O equipo de arco composto estivo formado por Félix Pérez Cerviño, do Club Arco Teucro, Xaquin Mira García, do Club Sílex e Guillermo Javier Rodríguez González.
Campionato de España de cadetes e menores de 14 años en Sala
No campionato celebrado este último fin de semana proclamouse campión de España de arco recurvo, Pablo Filgueira López, do Club Arco Ferrol.
Foron tres fines de semana incríbles e demostraron que o arco galego segue triunfando no resto de España.
Noraboa ós 40 arqueiros galegos que foron a competir estas últimas semanas e demostraron que Galicia ten moito que dicir a nivel estatal.